Heim / Skilmálar

Skilmálar

Um þetta skjal

Her er að finna þá viðskiptaskilmála sem gilda þegar þú kaupir vörur í vefverslun Hagkaups. Við erum Hagkaup, leiðandi smásölufyrirtæki sem býður breitt úrval af vörum til daglegra þarfa í matvöru, fatnaði, snyrtivöru, húsbúnaði og tómstundavöru. Hagkaup rekur tíu verslanir, auk þessarar vefverslunar. Kt. Hagkaups er 430698-3549 og skrifstofa þess er í Skútuvogi 5, 104 Reykjavík. Hagkaup er í eigu Hagar verslanir ehf kt. 470710-0390 vsknr. 106033

Viðskipti okkar

Við skuldbindum okkur til að birta í vefverslun okkar eins greinargóðar lýsingar og okkur er unnt á þeim vörum sem eru þar til sölu og birta eftir föngum einnig lýsandi ljósmyndir af þeim. Hverri vörulýsingu fylgir vörunúmer sem ræður því hvaða vara er seld hverju sinni. Verði mistök í verðmerkingu vöru áskiljum við okkur rétt til að selja hana ekki á því verði.

Ef þú kaupir vöru í vefverslun okkar og staðfestir kaupin með því að greiða fyrir þau með Netgíró eða Síminn Pay greiðslulausnunum eða gefa upp gilt greiðslukort þitt, sem skuldfærsla tekst á fyrir söluverði og eftir atvikum sendingarkostnaði, þá kemst þar með á samningur milli þín og okkar um kaup á þeirri vöru sem svarar til þess vörunúmers sem þú valdir í vefversluninni. Skuldfært söluverð inniheldur virðisaukaskatt og allan annan aukakostnað okkar af að bjóða þér vöruna til kaups, að meðtöldum sendingarkostnaði, þar sem hann á við (sjá hér að neðan). Ávallt skal greitt afgreiðslugjald sem er 990 kr. fyrir hver vörukaup.

Um ábyrgð á seldum vörum og viðskipti okkar að öðru leyti gilda lög um neytendakaup, nú nr. 48/2003, auk laga um neytendasamninga, nú nr. 16/2016, að teknu tilliti til skilmála þessara.

Okkur er ekki skylt að afhenda eða senda þér vöru fyrr en skuldfærsla fyrir kaupunum hefur tekist á uppgefið greiðslukort þitt.

Við berum ekki ábyrgð á að vara sem þú kaupir í vefversluninni:

  • henti í einhverjum ákveðnum tilgangi, til dæmis sem þú ætlaðir að nota vöruna í,
  • hafi einhverja tiltekna eiginleika til að bera svo sem varðandi endingu sem ekki koma sérstaklega fram í lýsingu á vörunni í vefversluninni eða
  • verði afhent í einhverjum sérstökum umbúðum sem ætlaðar eru til að varðveita eða vernda vöruna.

Þú getur komið og sótt, þér að kostnaðarlausu, þær vörur sem þú hefur keypt í vefversluninni eða fengið þær sendar heim á höfuðborgarsvæðinu eða á Akureyri. Ef þú óskar eftir að við sendum þér vörur sem þú kaupir hjá okkur þá kaupum við ekki tryggingar vegna flutnings þeirra til þín. Íslandspóstur annast útkeyrslu á vörunum og jafnan eru vörur afhentar samdægurs á virkum dögum ef keypt er fyrir kl. 13:00 en vörur sem keyptar eru eftir þann tíma á föstudögum eru jafnan keyrðar út á mánudegi. Þó að stefnt sé að afhendingu innan sólarhrings getur það dregist, svo sem vegna óvenjumikils álags eða annarra óviðráðanlegra ástæðna. Sendingarkostnaður er 1.490 kr. fyrir hver vörukaup.

Skilafrestur og endurgreiðsluréttur

Eftir að þú hefur keypt hjá okkur fatnað eða sérvöru (t.d. leikföng, búsáhöld eða snyrtivörur þar sem innsigli hefur ekki verið rofið) hefur þú 14 daga til að skila henni í einhverja verslun okkar, að því tilskildu að varan hafi ekki verið notuð, henni sé skilað í góðu lagi í upprunalegum umbúðum og að greiðslukvittun fylgi með. Ekki er þó hægt að skila nærfatnaði, sokkum, sokkabuxum þar sem innsigli hefur verið rofið, matvöru, hreinlætisvöru eða útsöluvöru. Ef þú ákveður að endursenda vöru sem heimilt er að skila þá berð þú ábyrgð á og kostnað af því nema þú hafir fengið ranga eða skemmda vöru afhenta.

Endursendingar á vörum verða að fara fram innan 14 daga frá móttöku og þurfa að berast á þetta heimilisfang: Hagkaup, Hagasmára 1, 201 Kópavogi.

Varnarþing

Rísi réttarágreiningur í tengslum við skilmála þessa skal bera hann undir héraðsdóm Reykjavíkur.

Þessi útgáfa skilmálanna er frá 3. apríl 2020 og gildir um kaup í vefversluninni sem eiga sér stað eftir það.

en_USEnglish
en_USEnglish
X